विद्यालयको परिचय

यो विद्यालय नेपालको राजधानी काठमाण्डौबाट उत्तर–पूर्वमा पर्ने बागमती प्रदेश अन्तर्गत रहेको सिन्धुपाल्चोक जिल्लाको पश्चिमी क्षेत्र अन्तर्गत मेलम्ची नगरपालिका वडा नं ११ मा कटुन्जेमा अवस्थित छ । २०२४ साल अघि तत्कालिन मेलम्ची गा.वि.स. मा एउटा मात्र प्राथमिक विद्यालय थियो। उक्त विद्यालय पुल बजारबाट साविक मेलम्ची गा.वि.स. वाड नं १ मा सारियो। हाल उक्त विद्यालयलाई पञ्चकन्या आधारभूत विद्यालयको नामले चिनिन्छ । उक्त विद्यालयमा पढ्नका लागि यसै साविक गा.वि.स. वाड नं ७ र ८ का बालवालिकाहरुलाई पढ्न असजिलो भएको महशुस गरी त्यस समयमा तत्कालिन मेलम्ची गा.वि.स. वाड नं ८ का समाजसेवी श्री बालकृष्ण चौलागाई र वाड नं ७ का श्री चन्द्रमान तामाङको सक्रियतामा यो विद्यालयको स्थापना गरियो र यस विद्यालयको नाम श्री जनजागृति प्रा.वि. नामाकरण गरियो । यो विद्यालय २०२५ साल माघ १० गतेका दिन देखि प्रा.वि. कक्षा १ मा पठनपाठन सुरु भएको हो । स्थापना कालदेखि २०५४ सम्म प्रा.वि. मै सिमित रहि २०५४/२०५५ देखि नि.मा.वि.कक्षा सञ्चालन र २०६५/२०६६ साल देखि मा.वि. कक्षा सञ्चालन गरियो । पहिलो पटक २०६६ सालमा प्रवेशिका परीक्षामा समावेश गराईसकेको छ ।