प्रधानाध्यापकको भनाइ

इन्द्रकुमार तामाङ

विद्यालय बालबालिकाको शिक्षा आर्जन गर्ने महत्वपूर्ण स्थल हो जहाँ औपचारिक रूपले निर्धारित विषयवस्तु सिकाउने गरिन्छ ।त्यसैले विद्यालयलाई बालबालिकाहरूको चौतर्फी विकास गर्ने थलोका रूपमा लिइन्छ । विद्यालय चेतनाको पुञ्ज हो जसले विद्यार्थीको प्रतिभा प्रस्फुटन गर्ने अवसर दिन्छ, भविश्यका कर्णधार जन्माउँछ । शिक्षा मानव विकासको महत्वपूर्ण तत्व भएकाले यसको विकासमा हरेकले जोड दिएको हुन्छ ।

सिन्धुपाल्चोक जिल्ला, मेलम्ची न.पा. वडा नं ११, कटुञ्जेमा अवस्थित हाम्रो विद्यालय २०२५ माघ १० गते स्थापना भएको थियो । समाजसेवी चन्द्रमान तामाङ र बालकृष्ण चौलागाईको पहलमा स्थापना भएको विद्यालय स्थापना कालदेखि २०५४ सम्म प्रा.वि. मै सिमित रहि २०५४/२०५५ देखि नि.मा.वि.कक्षा सञ्चालन र २०६५/२०६६ साल देखि मा.वि. कक्षा सञ्चालन हुँदै आईरहेको छ ।

विद्यालयको स्थापनाकालदेखी हालसम्म प्रत्यक्ष– अप्रत्यक्ष रूपमा सहयोग पुर्याउँदै आउनुभएका जग्गादाता, संस्थापक, वि.व्य.स., शि.अ.स. पदाधिकारी एवं शिक्षक- कर्मचारी, विद्यार्थी एवं अभिभावक वर्ग शुभेच्छुक सवैमा समयानुकूल परिवर्तन हुँदै विद्यालयको चौतर्फी विकासमा लाग्न अनुरोध गर्दछु । सरोकारवालाहरूसँगको छलफल, शिक्षकहरूको Team Work, अभिभावकको चाहाना तथा विद्यार्थीहरूको रूची अनुसार शिक्षण गर्दै शैक्षिक सुशासनका पक्षहरू जवाफदेहिता, पारदर्शिता, सहभागिता र व्यवस्थापनमा ध्यान दिँदै केही समयभित्र नै महशुष हुने गरी विद्यालयको शैक्षिक, भौतिक, आर्थिक तथा व्यवस्थापकीय पक्षमा सुधार ल्याउने प्रतिवध्दता व्यक्त गर्न चाहान्छु ।

"आउनुहोस् , विद्यालय सुधारका लागि सँगै मिलेर काम गरौँ !"

धन्यवाद !

Friday, November 10, 2023

Home समाचार तिहार बिशेष कार्यक्रम सम्पन्न !

तिहार बिशेष कार्यक्रम सम्पन्न !

November 10, 2023 समाचार,

रकेट उडाएर कार्यक्रम उद्घाटन गरी तिहार बिशेष कार्यक्रम सम्पन्न !

आज मिति २०८० कार्तिक २४ गते शुक्रबार तिहार बिशेष कार्यक्रम तथा शुभकामना आदान-प्रदान कार्यक्रम सम्पन्न भएको छ । रकेट उडाएर उद्घाटन गरिएको उक्त कार्यक्रममा विद्यालयको चारवटा हाउसको सदनात्मक देउसी भैलो प्रतियोगिता सम्पन्न भएको थियो । उक्त प्रतियोगितामा Yellow House प्रथम, Green House द्वितीय, Blue House तृतीय र Red House ले सान्त्वना स्थान हासिल गर्न सफल भएका थिए ।

कार्यक्रमको रौनकता बढाउन बिज्ञान शिक्षक रामभक्त दनुवारको संयोजकत्वमा कक्षा ९ का विद्यार्थीहरुले Jajajagriti -11 नामको मौलिक रकेट उडाईएको थियो ।

विद्यार्थीहरुलाई नेपाली मौलिक संस्कृतिको संरक्षण र नेपालीहरुको महान पर्व तिहारको बारेमा थप जानकारी दिन आयोजित उक्त कार्यक्रम बिब्यस अध्यक्ष रुपेश तामाङको अध्यक्षतामा सम्पन्न भएको थियो ।

फाेटाे फिचरहरू