प्रधानाध्यापकको भनाइ

इन्द्रकुमार तामाङ

विद्यालय बालबालिकाको शिक्षा आर्जन गर्ने महत्वपूर्ण स्थल हो जहाँ औपचारिक रूपले निर्धारित विषयवस्तु सिकाउने गरिन्छ ।त्यसैले विद्यालयलाई बालबालिकाहरूको चौतर्फी विकास गर्ने थलोका रूपमा लिइन्छ । विद्यालय चेतनाको पुञ्ज हो जसले विद्यार्थीको प्रतिभा प्रस्फुटन गर्ने अवसर दिन्छ, भविश्यका कर्णधार जन्माउँछ । शिक्षा मानव विकासको महत्वपूर्ण तत्व भएकाले यसको विकासमा हरेकले जोड दिएको हुन्छ ।

सिन्धुपाल्चोक जिल्ला, मेलम्ची न.पा. वडा नं ११, कटुञ्जेमा अवस्थित हाम्रो विद्यालय २०२५ माघ १० गते स्थापना भएको थियो । समाजसेवी चन्द्रमान तामाङ र बालकृष्ण चौलागाईको पहलमा स्थापना भएको विद्यालय स्थापना कालदेखि २०५४ सम्म प्रा.वि. मै सिमित रहि २०५४/२०५५ देखि नि.मा.वि.कक्षा सञ्चालन र २०६५/२०६६ साल देखि मा.वि. कक्षा सञ्चालन हुँदै आईरहेको छ ।

विद्यालयको स्थापनाकालदेखी हालसम्म प्रत्यक्ष– अप्रत्यक्ष रूपमा सहयोग पुर्याउँदै आउनुभएका जग्गादाता, संस्थापक, वि.व्य.स., शि.अ.स. पदाधिकारी एवं शिक्षक- कर्मचारी, विद्यार्थी एवं अभिभावक वर्ग शुभेच्छुक सवैमा समयानुकूल परिवर्तन हुँदै विद्यालयको चौतर्फी विकासमा लाग्न अनुरोध गर्दछु । सरोकारवालाहरूसँगको छलफल, शिक्षकहरूको Team Work, अभिभावकको चाहाना तथा विद्यार्थीहरूको रूची अनुसार शिक्षण गर्दै शैक्षिक सुशासनका पक्षहरू जवाफदेहिता, पारदर्शिता, सहभागिता र व्यवस्थापनमा ध्यान दिँदै केही समयभित्र नै महशुष हुने गरी विद्यालयको शैक्षिक, भौतिक, आर्थिक तथा व्यवस्थापकीय पक्षमा सुधार ल्याउने प्रतिवध्दता व्यक्त गर्न चाहान्छु ।

"आउनुहोस् , विद्यालय सुधारका लागि सँगै मिलेर काम गरौँ !"

धन्यवाद !

Monday, December 4, 2023

Home समाचार लैङ्गिक हिंसाबिरूद्धको कार्यक्रम सम्पन्न !

लैङ्गिक हिंसाबिरूद्धको कार्यक्रम सम्पन्न !

December 04, 2023 समाचार,

लैङ्गिक हिंसाबिरूद्धको १६ दिने अभियान अन्तर्गत आज मिति २०८० मंसिर १५ गते शुक्रबार विद्यालयमा " लैंगिक हिंसा अन्त्यको सूनिश्चितता: महिला र बालबालिकामा लगानीको ऐक्यबद्धता " भन्ने मूल नाराका साथ सदनगत वक्तृत्वकला कार्यक्रम सम्पन्न भएको छ । मेलम्ची नगरपालिकाको पत्र बमाेजिम मेलम्ची न०पा० वडा नं ११ काे समन्वयमा कार्यक्रम संचालन भएकाे हाे । यस वडाका वडा सदस्य मालती मिजारको प्रमुख आतिथ्यतामा संचालित बक्तृत्वकला कार्यक्रमकाे सभाध्यक्ष यसै विद्यालयका वि.ब्य.स. अध्यक्ष रुपेश तामाङज्यूले गर्नुभएकाे थियाे ।

उक्त प्रतियोगितामा १६ जना विद्यार्थीहरुको सहभागीता रहेको थियो ।

प्रथम: संगिता तामाङ

द्वितीय: सरिता तामाङ

तृतीय: जेनिशा मगर

सान्त्वना: शुभलक्ष्मी तामाङ

फाेटाे फिचर